Þetta verður allt í lagi, Man.Utd. er enn á toppnum!

Frekar slappt hjá mínum mönnum í Man.utd. en svona er þetta stundum. Liv.Pú þurfti nauðsynlega sigur enda hafa þeir steinlegið fyrir klúbbum eins og Fulham og Middlesboro.

Eftir að hafa spilað glimrandi flottann bolta í ca. tuttugu mínútur fóru United-menn að klikka undir pressu og leikmenn duttu niður á hælana á meðan Liv.Pú liðar fóru að berjast um alla bolta, voru á tánum og uppskáru. Besta dæmið var jöfnunarmarkið, hvar Vidic sat fastur á meðan T stakk hann af og skoraði. Dapurlegt að Evra skuli líka hafa verið kominn í sló-mó og ekkert annað fyrir dómarann að gera en að dæma víti. Lélegur leikur hjá Vidic og Evra sem annars hafa staðið sig með endemum vel í vetur, sérstaklega Vidic.

Sorglegast er að tapa 2x svona illa fyrir Liv.Pú, á sömu leiktíðinni. Varnarmistök í báðum leikjunum. Í fyrri leiknum skoraði Wes Brown sjálfsmark eftir að Tevez hafði komið Man.Utd. yfir og svo gaf Giggs boltann frá sér inni í teig og Babel skorar sigurmarkið. Sorglegt að gefa mörk, sorglegt að gefa Liv.Pú mörk.

Liv.Pú menn voru á tánum en Man.Utd. menn virtust ekki hafa miklar áhyggjur af því að tapa. 

Þetta verður vonandi til þess að Man.Utd. menn girði í brók, bíti í skjaldarrendur og klári tímabilið með reisn. Svipaður skellur kom á sl. leiktíð en þá töpuðum við fyrir Man.City á Old Trafford um þetta leytið. Útkoman varð Enskur meistaratitill og Evróputitill.

Núna vinnur Man.Utd. ALLT!!!

Es. Vegna veðmáls þarf ég að kenna í Liv.Pú treyju á mánudaginn. ...svona er þetta bara stundum.

Steven Gerrard: Glæsilegur sigur

Upphitun ...

Snilldar upphitun á www.manutd.is

 

Benítez: „Verðum að vinna“

... leiðinlegt að fá matareitrun!

James H. með mataeitrun, það er rokk! ...ef hann hefði farið á svið!

Metallica eru góðir læf, ekki spurning, en er þeirra tími liðinn?

Var síðasta plata góð?

...ég veit svei mér ekki.

Söngvari Metallica á sjúkrahús

Skrásetning ...

Víðir Sigurðsson fær verðlaun fyrir skrásetningu á sögu Íslenskrar knattspyrnu. Ég hef lesið flestar bækurnar hans og hef verið mjög ánægður með þær. Núna treysti ég þeim ekki lengur.

Af hverju?

Málið er að bækurnar eru, að mínu mati, sagnfræðiheimildir. Í framtíðinni mun fólk vitna í þessar bækur, ég tel það a.m.k. líklegt.

En fyrir ca. 2 árum, Íslensk knattspyrna 2007, kom upp ágreiningsmál varðandi það hver ætti að hljóta, að mig minnir, bronsskóinn í efstu deild karla. Ungur knattspyrnumaður Breiðabliks var skráður, af Ksí, sem þriðji markahæsti leikmaður deildarinnar, en Víðir taldi að eitt mark sem á hann var skráð ætti að vera skráð á einhvern annan leikmann. 

Víðir ákveður því að Blikinn fái ekki þessa viðurkenningu skráða í sögubókina ,,Íslensk knattspyrna´´.

Eftir þessa geðþótta ákvörðun Víðis hef ég því miður misst allt álit á þessum bókaflokki.

Ég vil taka það skýrt fram að ég er ekki stuðningsmaður Breiðabliks og ég er viss um að Víðir er frábær maður. Þetta er ekki persónuleg árás á Víði, ég hinsvegar gagnrýni þessi vinnubrögð.

Hvert er hlutverk skrásetjara?

Ef KSÍ segir að einstaklingur sé þriðji markahæsti leikmaður deildar, er leikmaðurinn þá ekki þriðji markahæsti leikmaðurinn?

Er þetta opinber Ksí-bók eða bók áhugamanns?

Ég óska Víði samt sem áður innilega til hamingju með þessi verðlaun enda hefur hann sinnt kvennaknattspyrnunni alveg jafn vel og karlaknattspyrnunni.

 

Jafnréttisverðlaun KSÍ afhent í fyrsta sinn

Þetta verður hrein snilld!!!

David St. Hubbins (Michael Mckean) sagði eitt sinn að Yngwie J. Malmsteen væri með J-oðið á milli til að aðgreina sig frá öllum hinum Yngwie Malmsteen gaurunum ... komment Hubbins + fleiri gullkorn í eftirfarandi myndbandi!

 

Spinal Tap í hljóðveri

Masters of the universe ...

Það er gott, að við fáum möguleika á að sjá nýja mynd um He-Man!

Gamla myndin, frá árinu 1987 í leikstjórn Gary Goddard, er góð og Razzie-bulluhausarnir geta bara étið úldið roð.

Dolph Lundgren fer á kostum í myndinni en ekki má gleyma Courtney Cox, Friends stjörnunni, sem fer mikinn og á klárlega stórleik í myndinni. Christina Pickles, sú er leikur mömmu Monicu í Friends þáttunum, leikur einmitt The Sorceress of Castle Grayskull.

Vídeókvöld heima hjá mér!

 

Garpur aftur á hvíta tjaldið

Hið besta mál!

Takk Mezzoforte. Takk fyrir að afþakka boðið.

 

Afþakkaði tónleikahald í Ísrael

Gamma Ray - Land of the free II

Þessi plata var gefin út í Evrópu á haustdögum 2007 en Bandaríkjamenn fengu að sjá gripinn í búðum 15.jan. 2008. Land of the free II ætti að flokkast sem ein af bestu plötum liðinna ára. Metallinn er ofboðslegur, melódíurnar, tvífetilstrommur og spilagleðin einkenna þessa snilld frá Kai Hansen og félögum. Ef Helloween liðar hefðu ekki gefið út Gambling with the devil um svipað leyti væru allir búnir að gleyma að Helloween væru enn á lífi, slíkir eru yfirburðir Gamma Ray á þessari plötu.

Gamma Ray er klárlega orðin ein af mínum uppáhaldshljómsveitum, þökk sé þessari snilldarplötu!

------------------------------------ 

Á dagskránni hjá mér er svo að reyna að hlusta á Avenged Sevenfold. Ég hef tekið áskoruninni og geri aðra tilraun.

Sl. sumar hlustaði ég á nýjustu plötu AS, þeir hituðu upp fyrir Iron Maiden og ég varð að tékka á bandinu fyrir alvöru áður en ég sæi það læf en gafst upp, fílaði þetta bara engan veginn. Ekki var það AS til framdráttar að vera hreint út sagt grútlélegir á Twickenham... 

Bless!

 

Viðtal við Tommy Thayer gítarleikara KISS

Kiss ALIVE35 Evróputúrinn 2008 gekk gríðarlega vel en túrinn hófst þann 9.maí í Oberhausen, Þýskalandi og lauk í Belgíu 28.júní. Það er óhætt að segja að KISS hafi aldrei verið með stærra, glæsilegra og betra show. Þeir voru rosalegir, ég veit það, því ég sá þá tvisvar á túrnum, í Munchen 10.maí og í Vín 11.maí og eftir að hafa horft á og hlustað á tónleikaupptökur frá öllum tímabilum í KISS sögunni þá fullyrði ég að þetta var þeirra stærsta show (menn geta svo skeggrætt fram og til baka um hvaða tímabil KISS-sögunnar er best og þar fram eftir götunum).

Í dag er bandið skipað þeim Paul Stanley, Gene Simmons, Eric Singer og Tommy Thayer. Allir þekkja auðvitað Paul og Gene og allflestir þekkja Eric Singer. Færri vita eitthvað um Tommy Thayer en hann spilaði með hljómsveitinni Black ´n Blue á níunda áratugnum en Gene Simmons hafði miklar mætur á því bandi. Þegar Gene sá hversu hæfileikaríkur Tommy var/er þá var hann ekki lengi að ráða hann í vinnu! Tommy samdi t.a.m. tvö lög á Hot in the Shade plötuna sem gefin var út árið 1989 og spilaði inn á demóin sem Gene kom með fyrir plötuna. Þegar svo upprunalegu meðlimir KISS ákváðu að koma saman árið 1996 og sýna heiminum hvernig ætti að rokka var Tommy fenginn til þess að hjálpa Ace og vera honum innan handar með hitt og þetta en aðallega til að kenna honum gamla stöffið sem Ace var búinn að gleyma! (Tommy var í KISS-tribute bandi í kringum 1980). Tommy var svo seinna ráðinn sem ,,tour manager´´ og var áður en hann vissi orðinn varaskeifa fyrir Ace Frehley. Fyrst reyndi á það á Farewell-túrnum en þá var Ace farinn að sýna gamla takta. Hann var farinn að mæta seint á tónleika og ekki alltaf í sínu besta formi og þann 11.ágúst árið 2000 var Tommy m.a.s. tilbúinn að fara á svið, málaður og tilbúinn fyrir giggið þegar Ace loksins mætti á síðustu stundu, í þyrlu, og spilaði tónleikana.

Tommy spilaði með KISS á þremur giggum í byrjun árs 2002, Ace var þá án samnings og var með vesen út af launamálum og í byrjun árs 2003 var svo tilkynnt að Tommy væri nýji gítarleikari KISS, Ace var enn og aftur hent út.

Fyrsta official giggið hans Tommy var 28.feb. 2003 í Ástralíu en þá spilaði KISS með Sinfóníuhljómsveitinni í Melbourne!

Tommy er alveg hreint ljómandi magnaður gaur. Hann er mjög almennilegur og lætur það ekkert stíga sér til höfuðs að vera í einni svölustu og bestu rokkhljómsveit heims. Á síðasta ári fékk ég að taka stutt viðtal við kappann og loksins fáið þið að lesa viðtalið.

Tommy Thayer viðtal 2008

The KISS Alive35 European tour was a major success, were you surprised of how well it did?---We knew it would do well, but the tour exceeded our expectations!

Your solo-spot was great, did you organize it or did Gene and Paul help you?--Thanks, I worked it out, but everybody in the band helps. There’s a lot of experience with the guys, lots of good ideas.

What was the biggest difference between the first gigs on the tour compared to the last gigs?--The band was so consistant, that they all were great shows.

What was/is your fave KISS song to play live? ---I like em all.

Any plans to record new material for a KISS album? ----Not sure right now. (innskot þáb: KISS eru í hljóðveri þessa stundina að taka upp plötu. Meira um þann pakka fljótlega).

Paul said during a gig in Germany that KISS will be touring Europe again next year (2009), will it be in support of another KISSOLOGY or...?--I’d say anything’s possible..

Are you planning to record a solo album?—no

You wrote two songs on the Hot in the shade album (1989), were there other songs that did not make it on the album?---not that I can remember

Did you play on the album? ---Some of the demos for HITS were so good that in some cases they were polished up a bit more and became record masters. I played on a couple demos so I probably did play a few parts on the album.

Can you tell us about your amps?--The Hughes & Kettner Tommy Thayer Signature Edition Duotone. I’m very happy with how they sound and they look cool too! Great amps...

------------- 

Það var ekki vesenið á karlinum, hann þakkaði kærlega fyrir sig og bað að heilsa, ég hefði auðvitað getað spurt miklu meira um KISS en ákvað að vera hógvær... 

Þangað til næst

 

Kóngarnir komnir á toppinn og þar eiga þeir heima!!!

Mikið skelfilega léku Bolton-leikmenn hundleiðinlegan bolta. Allir í vörn og enginn þeirra sótti að neinu viti. Það er erfitt að komast að marki andstæðinganna þegar þeir liggja bara í vörn. Bannsettir!

En kóngarnir gáfust ekki upp, Solskjaer átti þetta til, að setja mark á síðustu stundu, gott að núverandi United-menn hafa rétt hugarfar :)

 

Áfram Man.Utd.!!!

 

Mín spá fyrir mánudagsleikinn er: Liv. 1-2 Eve. Phil Neville skorar sigurmarkið á 78 mín.

 

 

Alex Ferguson: Besti staðurinn að vera á