Árið 2008 var ...

... bara fínt var það ekki?

Eftir allsvakalega dýfu sem hófst í kringum afmælið mitt, 1.okt. þá endaði árið vel. Við Berglind og Elísabet vorum í sallarólegheitum, þrjú heima, á gamlárskvöld. Elísabet var reyndar með lungnabólgu en var að hressast (er orðin góð núna 7, 9, 13) og við áttum frábært gamlárskvöld saman.

Allavega, smá annáll, stuttur.

Ég byrjaði í nýjum vinnum í janúar, réð mig sem kennara í Norðlingaskóla og tónlistarverkefnisgaur á leikskólanum Rauðhól. Báðir staðir mjög skemmtilegir en það er alltaf erfitt að byrja í nýrri vinnu og það var óhemju erfitt að kveðja gamla bekkinn minn í Smáraskóla sem og gömlu samstarfsfélagana.

Eagles showið var 19.mars, tvö gigg sama kvöldið í Borgarleikhúsinu. Það var rosalega gaman að taka þátt í sjóinu og frábært að fá að spila með þessum eðaldrengjum sem þar tóku þátt.

Ég spilaði inn á frábæra plötu með Hraun, tók tvö Búzúkí-sóló með arpeggíubrag (ég vissi alltaf að það myndi margborga sig að kaupa Búzúkíið Berglind ...)

Plötur ársins – ég tel ekki upp allar plöturnar sem vöktu áhuga minn á árinu en hér nefni ég nokkrar sem gripu mig.

Uriah Heep – Wake the sleeper, klárlega ein af plötum ársins. Gömlu karlarnir klikka bara alls ekki á þessari plötu.
Guns ´N Roses – Chinese Democracy, ofsalega flott plata sem vex við hverja hlustun.
Kiss – Jigoku-Retsuden, re-recordings, já, ég er ekki að grínast, það er mjög gaman að hlusta á gömlu lögin endurupptekin, hreinasta snilld bara!
Queen + Paul Rodgers – the Cosmos rocks, Queen hljómurinn með Rodgers sándi? Þrælvirkar.
Ac/Dc – Black Ice, ofsalegur rokkpakki, solid plata með frábærum riffum.
Saxon – the Inner Sanctum, einkar góð Metal-plata, sörpræs ársins?
Bruce Springsteen – Magic, minnist á hana hér vegna þess að hún kom mér svo skemmtilega á óvart.
Whitesnake – Good to be bad, frábær rokkplata, enöffsed.

Gigg ársins

Whitesnake í Laugardalshöllinni, frábært gigg, Coverdale góður og bandið þétt. Ég var fremst, (mér skilst að sándið hafi verið best þar) ég fílaði allavega giggið í botn.

Iron Maiden í Twickenham, London. Brjálað gigg!!! Eina giggið í UK á túrnum og hátt í 70.000 manns nutu hverrar mínútu hjá frábæru bandi með frábært show í frábæru sándi. Frábært...

Within Temptation, Twickenham, London. Sörpræs of þe jír hvað mig varðar. Frábært læf band og ég er orðinn mikill aðdáandi bandsins eftir þetta.

Kiss í Vín, Austuríki maí 2008 (klárlega tónleikatoppurinn). Eftir að hafa séð bandið deginum áður í Munchen var mesti skjálftinn farinn úr mér og ég naut giggsins í botn í frábæru sæti á frábærum stað. Einfaldlega tónleikar ársins og það þrátt fyrir I.Maiden í Twickenham!!!

Rúnar Júlíusson - minning
Ég varð þess heiðurs aðnjótandi að fá að kynnast Rúnari nokkuð vel og alltaf var hann jafn almennilegur, alltaf tilbúinn í spjall um plötur og tónlist. Ekki veit ég hvað maður fór oft til Keflavíkur til að spila, djamma eða taka upp í Geimsteini, upptökuheimili Rúnars, en ferðirnar voru margar og móttökurnar alltaf jafn frábærar hjá Rúnari.

Við í Kalk spiluðum eitt sinn ,,Fyrsta kossinn´´ á tónleikum með Rúnari og er það einn af hápunktunum í mínu lífi, ógleymanlegt. Við höfðum ákveðið að sleppa gítarsólóinu í laginu en í miðju lagi kallar Rúnar ,,gítarsóló´´! Það kom smá panikk en svo skellti ég mér í sólóið, Rúnari fannst stemmningin bara vera þannig að sóló myndi fitta vel þarna! Frábær náungi. Allt gekk upp, allt afslappað, þetta er jú allt saman bara rokk-enról...

Takk fyrir allt Rúnar.

Hrein snilld!!!

Hvað er hægt að segja eftir svona leik?

Man.Utd. voru ekki að spila sinn besta bolta en rústuðu samt arfaslöku Chelsea liði.

Giggs var ofboðslega góður og Fletcher magnaður. Ronaldo virtist stundum úti að aka en átti samt stóran þátt í tveimur marka United. Rooney svaðalegur og vörnin skotheld. 

Það er gaman að vera Man.Utd. maður nú sem endranær.

Leitt að hafa ekki fengið vítaspyrnu þega Carvalho felldi Ronaldo í teignum og hundfúlt að verða af löglega skoruðu marki. Vidic skoraði reyndar eftir endurtekna hornspyrnu...

Takk fyrir mig!

Man.Utd.

-Englandsmeistarar!

-Evrópumeistarar!

-Heimsmeistarar!

 

Stórsigur Man. Utd á Chelsea

Þetta er öllum ljóst...

...sem eitthvað vit hafa á knattspyrnu.

Takið eftir að í fréttinni er talað um að Man.Utd. sé best allra liða í veröldinni! Þetta er stórkostlegt.

Man.Utd.

-Englandsmeistarar!

-Evrópumeistarar!

-Heimsmeistarar!

Bestir í VERÖLDINNI!!!

Manchester United best og enska úrvalsdeildin sterkust

Gleðilegt nýtt ár...

2009 er komið, já, það kom.

Við skulum vera góð á árinu.

Ég er að vinna að uppgjörsritgerð um árið...

Verið salla...

...róleg elskurnar mínar.

 

 

Jú, víst...

Karlinn er spakur enda ekki gott að setja of mikla pressu. Man.Utd. getur nefnilega unnið allt sem í boði er, þá verður gaman. Fékk annars stórkostlegt sms frá góðum vini (sem er því miður Liv.Púl maður) hvar hann fagnar meistaratitlinum enska! Ekki sniðugt að fagna of snemma sjáðu... sbr. Newcastle árið 1997 en þá voru þeir með 18 stiga forystu um þetta leyti. Man.Utd. vann titilinn.

Gerrard handtekinn í morgun, ég grét úr hlátri og hringdi í Liv.Púl vininn, sem ekki trúði, honum fannst ekki gaman að vakna við svona fréttir.

Ég spái sigri í kvöld á Midsboróg, 6-0. Eitthvað segir mér að Midsbó setji kannski eitt á 91 mín. en segi og skrifa: 6-0 Man.Utd. í hag.

Israel vs. Palestínu kommentarar, takk fyrir áhugverðar pælingar.

Ferguson segir United ekki geta unnið alla bikara

...eigum við ekki bara að taka landið aftur af ísraelsmönnum!?

,,Guðs útvalda þjóð´´ skrifaði einhver og árið 2008 drepa ísraelar konur og börn, hefna miskunnarlaust, auga fyrir auga, tönn fyrir tönn.

Eigum við bara að sitja aðgerðarlaus og horfa á?

Í nafni hvaða guðs eru þessar aðgerðir?

Röð loftárása á Gaza

Gleðileg jól!

Gleðileg jól kæru vinir!

Takk fyrir að kíkja reglulega á bloggið mitt!

Til að komast í einstaklega jákvæðan jólagír þá smelli ég hér inn smá gríni, I was made for loving you myndband konunganna í KISS. Glöggir munu taka eftir því að eitthvað er búið að rugla í laginu...

(enn gleggri átta sig á að Peter Criss, (ó)hamingjusamur, mæmar David Letterman trymbilinn Anton Fig en sá síðarnefndi góstaði 90% Dynasty plötunnar sem út kom árið 1979 sem téð myndband er einmitt tengt).

Bestu Metal-jólakveðjur!!!

 

Einfaldlega bestir!!!

       Man.Utd.

- Englandsmeistarar!

- Evrópumeistarar!

- Heimsmeistarar!

Rooney valinn bestur á mótinu og Ronaldo nr.2

Það er æðislegt að vera stuðningsmaður Man.Utd.

 

Rooney tryggði Manchester United heimsmeistaratitilinn

Ace Frehley með plötu í vor!

Ace Frehley, fyrrverandi gítarleikari KISS, mun gefa út sólóplötu í vor. Það er allavega planið hjá karlinum. Hann túraði lítillega sl. vor og þá átti platan að koma út en ekkert varð úr því. Þann 5.jan. næstkomandi verður artwork plötunnar sýnt í fyrsta skipti á vefsvæði kappans, sjá hér. Það er óhætt að segja að nokkur spenna sé í loftinu, langt síðan Ace gerði eitthvað af viti og fáir meðlimir KISS, núverandi og fyrrverandi gert áheyrilegar sólóplötur.

Helst skal nefna LIVE TO WIN plötu stórmeistara Paul Stanley en platan atarna er gríðargóð. Bruce Kulick hefur sent frá sér flottar plötur sl. ár (ég er að vinna að plötudómum) en Peter Criss rekur sennilega restina með þá allraverstu plötu, KISS-tengda, sem ég hef heyrt. One for all er hræðileg plata.

Svo er von á plötu frá KISS, það er stórkostlegt!

 

...sumir eru heppnari en aðrir...

Þessi 11 ára gutti fékk ör í augað sem stoppaði svo í hauskúpunni innanverðri! Vinkona hans sem skaut örinni er eðlilega í sjokki en strákurinn mun lifa af, er í smá sýkingarhættu en annars bara heppinn ...í Kína æfa menn s.s. bogfimi...