Jú, víst...

Karlinn er spakur enda ekki gott að setja of mikla pressu. Man.Utd. getur nefnilega unnið allt sem í boði er, þá verður gaman. Fékk annars stórkostlegt sms frá góðum vini (sem er því miður Liv.Púl maður) hvar hann fagnar meistaratitlinum enska! Ekki sniðugt að fagna of snemma sjáðu... sbr. Newcastle árið 1997 en þá voru þeir með 18 stiga forystu um þetta leyti. Man.Utd. vann titilinn.

Gerrard handtekinn í morgun, ég grét úr hlátri og hringdi í Liv.Púl vininn, sem ekki trúði, honum fannst ekki gaman að vakna við svona fréttir.

Ég spái sigri í kvöld á Midsboróg, 6-0. Eitthvað segir mér að Midsbó setji kannski eitt á 91 mín. en segi og skrifa: 6-0 Man.Utd. í hag.

Israel vs. Palestínu kommentarar, takk fyrir áhugverðar pælingar.

Ferguson segir United ekki geta unnið alla bikara

Athugasemdir

[Snorri (IP-tala skráð) 30.12.2008 kl. 00:27]

Sæll vinur,

Aldrei þessu vannt hefur Ferguson næstum því rétt fyrir sér. Hann segir að ManUre geti ekki unnið alla bikara....gott og vel það er næstum rétt því ManUre mun ekki vinna neitt nema pöbbabikarinn um daginn á Grænhöfðaeyjum (held reyndar að "bikarinn" hafi verið útskorin kókoshneta).

Varðandi Gerrard þá var það víst smá misskilningur. Því er haldið fram að þetta hafi verið rifrildi um lagaval á skemmtistað, það er að Gerrard vildi eitthvað ákveðið lag spilað. Þetta er ekki heldur alveg rétt. Málið var að Ronaldo, klæddur eins og Portúgölsk kona næturinnar, heimtaði að Kaja Googoo væri spilað allt kvöldið. Hver heilvita maður myndi reyna stöðva slíkan ófögnuð! Þegar Gerrard snerti öxlina hans til að koma vitinu fyrir Ronaldo þá henti Ronaldo sér með tilþrifum í gólfið eins og hans er von og vísa. Því miður þá keypti lögreglan þetta rugl og handtók rangann aðila.

Varðandi leikinn við Boro í kvöld þá ber mér víst að óska þér til hamingju vinur minn. Berbatov náði loksins að skora sitt ÞRIÐJA deildarmark í kvöld. Stórkostlegt afrek af  manni sem kostaði 30 milljón punda í sumar. Ég er ekkert sérstaklega sleipur í stærðfræði enn samkvæmt mínum útreikningum þá gerir þetta ca. 10 milljónir punda per mark í deildinni. Verði þér að góðu.

Hlakka til að sjá þig Rednekkkkk

Snorri