Led Zeppelin vs. Deep Purple

Þá er komið að því, örlítill saklaus samanburður á tveimur af bestu, svölustu og stórkostlegustu rokk böndum sögunnar. Led Zeppelin og Deep Purple. En er þetta ekki eins og að gera upp á milli foreldra sinna spurði Ingvar Valgeirs. 

hmm...?
Veit ekki en þetta er alla vega skemmtileg pælíng, sko þetta með böndin.

Allavega...

Í tímaritinu Classic Rock (apríl 2005), skrifar Geoff Barton ansi hreint magnaða grein. Hann setur Deep Purple upp á móti Led Zeppelin og ber saman. Ég hermi hér eftir honum, stel smá frá honum og bæti svo smá við frá eigin brjósti. Við Geoff erum býsna mikið sammála...

Nú er rétt að taka fram að þetta er mitt blogg, mín skrif, mín skoðun og ef þú lesöndin mín góð ert ekki sammála þá verð ég mjög ánægður. Ég vona að ég fái að lesa þína skoðun á málinu.

Og þá byrja ég.

Í fyrsta skiptið sem ég heyrði í Deep Purple var það af hljómleikaplötunni „Live in London“, þar raulaði David nokkur Coverdale með bandinu og fór mikinn. Þessi plata hefur verið í miklu uppáhaldi hjá mér allar götur síðan, hrein snilld. „Smoke on the water“ versjónin er engri annari viðlíka versjón lík, alveg einstök. Ég hef verið Purple-fan síðan og síðan eru liðin mörg ár „þeir greidd´ í pi-iíí-u-kuu...“

Í fyrsta sinn sem ég heyrði í Led Zeppelin var verið að spila „Stairway to heaven“ á Rúv. Seinna heyrði ég svo „Good times bad times“. Þegar ég svo spilaði í mínu fyrsta bílskúrsbandi með Ödda, Rikka og Magna þá lékum við þetta lag og fannst við vera svalastir. (Nuclear Assault útgáfan er brill).

Ef við byrjum á bissness-hliðinni er ljóst að Zeppelin á fleiri platínu-plötur. Í Bretlandi einu hafa LZ hlotið átta 1. Verðlaunasæti (II, III, Four Symbols, Houses of the holy, Physical Graffiti, Presence, The song remains the same og In through the out door) á meðan DP hafa einungis hlotið tvenn fyrstu verðlaun (Fireball og Machine head). En er einhver að telja dollur hérna?

Led Zeppelin hafa ekki spilað að neinu viti eftir að Bonham dó. Deep Purple hafa hinsvegar spilað áfram þrátt fyrir miklar mannabreytingar, allt í nafni rokksins. Þetta hefur gefið DP stærri bakk-katalóg og að mínu mati betri. Best of LZ gæti slefað tvöfalda plötu á meðan Best of DP yrði 6 diska box.

Læf plötur DP eru líka skemmtilegri. ENGIN vissi t.d. hvort Blackmore myndi taka geðveikt gítarsóló eða kasta vatnsbrúsum í aðra hljómsveitarmeðlimi. Nú eða kveikt í sviðinu og troðið gítar inn í vídeótökuvélar. LZ eiga sínar hæðir en þær eru færri.

Meðlimir Led Zeppelin töluðu ekki við blaðamenn á ákveðnu tímabili á meðan Purple-liðar gátu ekki haldið kjafti nálægt blaðamönnum. Talsvert meira aksjón hjá Deep Purple.

Í dag röltir Page á milli partía og sýnir sig og allir bugta sig og beygja í aðdáun á öldruðu goðinu. Á meðan spígsporar Blackmore um í sokkabuxum og plokkar lútuna sína með dansandi dverga í kringum sig, gefandi út plötur nánast árlega. Hvor er svalari ég bara spyr?

Deep Purple eru úti á meðal fólksins, óhræddir við fortíðina, óhræddir við að fá „komið-með-Ritchie-aftur“, ræðuna frá fullum öfum, gefandi út brilljant plötur og túrandi út um allt. Led Zeppelin eru skít-lafhræddir við fortíðina og þora ekki niður úr fílabeinsturninum sem aðdáendurnir hafa rekið þá upp í.

Robert Plant gaf út svakalega plötu með Alison Krauss, „Raising Sand“. Ian Gillan hefur ekki gefið út sólóplötu í langan tíma en hann er líka að gera stórkostlega hluti með bandinu sínu, Deep Purple!!! Textarnir á síðustu DP-plötu eru með þeim betri sem hann hefur gert.

Að mínu mati eru Deep Purple skrefinu á undan Led Zeppelin. Þeir eiga líka, mjög einfaldlega sagt og skrifað, fleiri skemmtileg lög.

Ég geri mér fyllilega grein fyrir því að Zeppelin er eitt af fremstu rokkböndum sögunnar. Áhrif þeirra á aðra tónlistarmenn verða seint metinn til fulls. Það fer bara smá í pirrurnar á mér hvað menn dýrka þetta band og elta í hálfgerðri blindni. Það má gagnrýna Led Zeppelin.

Fyrir mig, smá Led Zeppelin með miklu af Deep Purple takk!

Látið kommentunum nú rigna inn!

Es. Listinn minn, „Topp tíu gítarleikararnir“ væntanlegur innan skamms...

Hvor hljómsveitin er betri?

Ég er að skrifa smá grein um Deep Purple og Led Zeppelin. Þar velti ég þessari spurningu fyrir mér, hvor hljómsveitin er betri?

Hvað finnst ykkur?

 

 

Þetta gleður Metal-hjartað!

Þetta eru góðar fréttir og gleðja svo sannarlega Metal-hjartað! Að fá góðan dóm í svona blaði er eins og að fá Adrenalin, ...í Metal-hjartað! ...Accept or die!?

Ég hef séð Sign þó nokkuð oft á tónleikum og þeir verða bara betri og betri.

Bölvuð Lizzie Knight, sem af og til dritar skoðunum sínum yfir okkur sem lesum Classic Rock tímaritið góða, gaf plötunni bara 4 stjörnur af 10 mögulegum og er hún hér með komin á lista með ísbjörnum og Halim Al. Skotin við komuna til landsins!

Q hælir íslenskum metal

Kominn heim...

...í góðu stuði eftir frábæra ferð. Iron Maiden voru einstaklega stórfenglega stórkostlegir og gaman að geta þess að þetta voru stærstu tónleikar sem Iron Maiden hafa haldið í Englandi.

Sá ek einnig hljómsveitina Within Temptation sem var mikil og góð upplifun. Barði einnig bandið hennar Lauren Harris eyrum og fannst ekki gaman. Enn eitt bandið var svo Avenged Sevenfold og eru þeir eitt minnst spennandi band sem ég hef heyrt og barið augum. Leiðinlegir og ófrumlegir háskólapésar sem ætti að loka inni með Blink ofl. U.S. háskólaböndum. Sveiattann!

Þetta var sannkölluð Metal-nörda-ferð, Alli Jesús og Kiddi Rokk eru svo sannarlega kumpánar sem skemmtilegt er að ferðast með og ekkert nema gaman að tala um Metal við þessa pilta.

 

Meira síðar, Lost er að byrja...

Sannarlega spjöll...

Celine Dion að syngja Ac/DC?

...nei, takk, það vil ég ekki heyra. Aldrei. Norðurhlíðar-Maggi á samt örugglega bootleg frá þessari djöfullegu framkomu hennar en ég vil ekki heyra!

Af góðum ábreiðum má nefna framúrskarandi fína útgáfu hinnar þýsku Warlock dívu Doro Pesch en hún söng KISS-lagið Only You, sem upprunalega kom út á plötunni Music from the Elder árið 1981. Flott útgáfa af laginu, mun betri en flutningur Cher á sama lagi.

 

Celine Dion sökuð um helgispjöll

Frábær skemmtun!

Ég skemmti mér alveg rosalega vel á tónleikunum sl. þri.kveld. Mér fannst Coverdale gamli helvíti góður, var alveg við sviðið og var sáttur við sánd fyrir utan kannski í fyrsta laginu.

Fyndið hve fáir virtust þekkja fyrsta lagið en það er af nýju plötunni sem btw er alveg hreint ljómandi góð. Strax í öðru lagi tók krávdið svo við sér og stemmningin stigmagnaðist uppfrá því þar til allt varð dýrvitlaust er hundarnir spiluðu Here I gó´arann.. hrein snilld. Ég man ekki eftir jafngóðri stemmningu á tónleikum hér á landi. Frábærir tónleikar að mínu mati.

Hápunktur giggsins var svo acapella útgáfa á Soldier of fortune, vaá... OG lokalagið, eitt af mínum uppáhaldslögum, BURN! Ég vissi ekki hvert ég ætlaði... rosalegur endir á góðum tónleikum.

Nú telur maður bara niður að næstu tónleikum en það eru Iron Maiden í London 5.júlí, ...ja, man.

Stemmning á tónleikum Whitesnake

Nú styttist í Coverdale og Aldrich...

Það er nefnilega málið, ég vil sjá Coverdale og Aldrich. Bandið er frábært en kommon, Coverdale er magnaður, einstaklega svalur og ofboðslega góður söngvari. Klárlega einn af flottari fronterum rokksins. Horfið bara á Deep Purple hreyfimyndadiskinn California-jam, með tónleikaupptöku frá 1974. Bara snilld.

 

Aldrich er einnig úbersvalur og hefur brillerað með m.a. Ronnie J. Dio! Hann á reyndar eftir að sanna sig sem originalgítarsólókompúnerari en sem eftirhermill er hann voðalegur, alveg hreint heljar góður.

Go WS!!! 

Whitesnake til landsins

Simmons og Rice?

Já, haldið ekki að Simmons og co. hafi ekki hitt C.Rice og co.

Þetta er skemmtilegt, það eru augljóslega sannir fréttahaukar að vinna á mbl.is!!!

Meistari Gene Simmons hefur án nokkurs vafa sagt eitthvað stórkostlegt við Condo-baby, sjáið bara svipinn á kvikindinu!

 

 

 

 

 

 

 

 

Að lokum fáið þið eitt vídeó-klipp frá tónleikunum í Vín...

 

Condoleezza og Kiss í Svíþjóð

Bryant er bestur!

LA Lakers eru að spila alveg glimrandi bolta þessa dagana og Kobe hefur aldrei verið betri. Með Gasol í liðinu og Odom í stuði getur ekkert stoppað Lakers.

Sérfræðingarnir úti í USA tala um að Lakers séu með besta bekkinn, það er líklegast ansi nálægt sannleikanum. Undanfarin ár hefur vantað góða spilara með Kobe en núna virðist vera kominn saman alvöru hópur sem getur unnið titillinn. 

...þeir eiga reyndar eftir að mæta austurstrandameisturunum, en...

Vonandi klára Lakers þetta í fjórum leikjum og mæta svo Celtics í úrslitunum. Bara svona upp á söguna 

Það væri reyndar í lagi að mæta Detroit og hefna fyrir niðurlæginguna árið 2004, smánarblettur á sögu Lakers að tapa 4-0 með Shaq, Malone, Payton og Kobe í einu og sama liðinu!!!

Lakers lagði meistarana með 30 stiga mun

Manchester United!!!

Einfaldlega BESTA liðið!!!

Spennan var svakaleg.

Ég var búinn að gefa upp alla von enTerry gaf mér aftur vonina um titilinn með stórkostlegu sparki.

United eru verðskuldað meistarar í Evrópu!!!Áfram Man.Utd.

Man. Utd Evrópumeistari