Ein fáránlegasta hugmynd rokksögunnar ...

... datt niður í hausinn á meðlimum KISS árið 1978.

Þann 18.september 1978 komu út 4 sólóplötur meðlima KISS. Ástæðurnar fyrir útgáfunum voru margar en m.a. skulduðu þeir útgefanda sínum nokkrar plötur, voru að brenna inni (ásamt sólóplötunum kom um svipað leyti út safnplatan Double Platinum). Þannig að með því að gefa út 4 sólóplötur að hluta til undir merkjum KISS stóðu þeir við gerða samninga.

Önnur ástæða var Ace Frehley. Hann var að tapa sér í ruglinu og hótaði að hætta í bandinu. Sumir segja reyndar að hann hafi verið hættur en verið lokkaður til baka með loforði um sólóplötu.

Platan hans Ace seldist best allra platnanna og það ýtti að sjálfsögðu ennfrekar undir vitleysisganginn í honum og að lokum fór greyið yfir um og hætti loks í bandinu árið 1981 (opinberlega hætti hann árið 1982). 

Ace er svo nýbúinn að gefa út plötu, Anomaly, og hann er búinn að vera edrú í 3 ár. Flott mál. 

Kiss-arar hafa verið nokkuð lélegir í að gefa út sólóplötur síðan 1978. Anomaly er t.a.m. fyrsta plata Ace síðan árið 1989. Paul gaf út snilldarplötuna Live to win árið 2006 en sú plata er eingöngu hans önnur sólóplata og sú fyrsta ´78.

Gene Simmons gaf út hina hörmulegu Asshole árið 2004 sem einnig var hans fyrsta sólóplata síðan 1978 og Peter Criss, sem hefur gefið út plötur af og til síðan hann hætti í KISS árið 1979, gaf út hina hræðilega skelfilegu One for all árið 2007. Peter lofar rokkaðri plötu í apríl 2010. Ég er ekki að deyja úr spennu yfir því.

Svo er að koma út ný KISS-plata, SONIC BOOM, og miðað við fyrsta singul þá verður platan rosaleg!

 

 

Athugasemdir

[Aðalsteinn Jóhannes Halldórsson (IP-tala skráð) 24.9.2009 kl. 09:45]

Hvernig eru svo sóloplöturnar fjórar að mati Kiss #1. Er platan hans Ace best? Eða er það kannski Peter?

[Kristján Kristjánsson, 24.9.2009 kl. 15:07]

Mér fannst plata Paul Stanley illskást af þessum 4. Þar á eftir Ace, Peter og Gene :-) Takk fyrir fræðandi grein mr. metal :-)

[Þráinn Árni Baldvinsson, 24.9.2009 kl. 18:59]

Sælir piltar!

Alli: Platan hans Paul er best, Ace kemur næstur með helv... fína plötu. Plata Gene er mjög vond, eitt gott lag á allri plötunni (See you tonight) og plata Péturs er vandræðalega vond!

Kiddi: Takk fyrir að lesa :) Ert þú kominn með Anomaly?