TNT - Tell no tales, Norskur eðal-málmur...

Árið 1987 kom út platan Tell no tales með Norsku hljómsveitinni TNT. Margrét systir var einmitt í Noregi þetta ár og sendi bróður sínum plötuna í jólagjöf, sagði að þetta væri það heitasta í Norge. Ég kolféll fyrir plötunni enda um snilldargrip að ræða. Verst að enginn á Íslandi hafði heyrt um bandið!

Ég eignaðist svo gripinn á cd nýverið, endurhljóðblandaðann og nýfægðann. Ekki hefur platan versnað með árunum og eftir svakalegt nostalgíutripp er mér það algerlega ljóst að platan stendur tímans tönn. Söngur Toni Harnell er svo einstakur og glæsilegur að mér liggur við yfirliði í hvert sinn sem hann hleypur upp á hæsta A, mögulegs tónskala mannlegrar raddar, algerlega án allrar áreynslu, þvingunar- og möglunarlaust. Ronni Le Tekro er gítarsnillingur og fer vel með það á þessari plötu þrátt fyrir að stundum mætti kannski gítarsynthinn fá leyfi frá störfum, ...og þó, þetta er jú árið 1987. Diesel Dahl og Morty Black fara svo vel með trommu og bassa. Ekkert sérstakt um það að segja.

Súper hittarinn 10,000 Lovers (in one) er ekki besta lagið, að mínu mati, það er hins vegar fyrsta lag plötunnar, Everyone´s a star. Það er langbest góðra laga á plötunni. Titillagið er svo afbragðshraðatuddi sem skilur mann eftir í rúst þegar platan er búinn.

Einkennandi fyrir plötuna eru sterkar melódíur, fallegar laglínur, frábær söngur og raddanir sem allar eru til fyrirmyndar. Gítarleikurinn er rosalegur, bara rosalegur. (Gott ef Drýsill spilaði ekki lag eftir Le Tekro á plötu sinni, Welcome to the show)? Mig minnir það, þarf að finna vinylinn...

Mæli hikstalaust og skælbrosandi með plötunni en því miður get ég ekki mælt með neinni annari plötu þessara Norsku Metal-bræðra okkar og því flokkast þeir sem einnar plötu meistarar.

En ég spyr að lokum, átt þú plötuna Tell no tales með TNT?

 

Athugasemdir

[Ingvar Valgeirsson, 22.9.2008 kl. 22:13]

Eitthvað rámar mig í þetta, félagi minn átti þetta á vínyl og ég þar af leiðandi átti eitthvað af þessu á spólu. Man að mig langaði voða voða mikið að verða svona klár á gítar einhvern daginn.

[Kristján Kristjánsson, 23.9.2008 kl. 11:48]

Ég á Tell No Tales á vynil en þarf að verða mér út um þessa endurútgáfu. Keypti með þeim disk sem kom út í fyrra sem var eðal. Þeir eru í fínu formi ennþá :-)

[Þorsteinn Kolbeinsson (IP-tala skráð) 24.9.2008 kl. 01:16]

Ég á þessa plötu, þó ekki þessa endurhljóðblönduðu... Komst verulega inn í TNT þegar Intuition var gefin út. Sú plata var uppáhaldsplatan mín á þeim tíma. Gæsahúðarplata alveg...

[Þorsteinn Kolbeinsson (IP-tala skráð) 24.9.2008 kl. 01:39]

meðan ég man. Vissir þú að Týr eru að fara að spila hérna fyrstu helgina í október og það m.a. á Nasa??

 Sjá: http://www.taflan.org/viewtopic.php?t=38092 

[Þráinn Árni Baldvinsson, 24.9.2008 kl. 14:17]

Ingvar, æfðu núna hljómhæfan hraðskalamoll... :)

Ég man eftir að haf a lesið góða dóma um síðustu TNT plötu, átt þú hana í búðinni Kiddi?

Takk fyrir þetta innlegg Eyjólfur, gaman að heyra af þessu!

Þorsteinn, gott ef ég er ekki einmitt einn af þeim sem hita upp á sunn.kveldinu... ég tékka svo á Intuition!

[Fjarki , 24.9.2008 kl. 15:44]

Ég varforfallin TNT aðdáandi og þessi plata var reyndar sú eina sem ég eignaðist með þeim.

Þetta er á sama tíma og ég keypti allt sem ég gat komist yfir með Loudness.

Það var mitt uppáhaldsband! og reyndar held ég mikið uppá þá enn í dag.

[Kristján Kristjánsson, 25.9.2008 kl. 00:01]

Nei ég pantaði hana beint af TNT síðunni á sínum tíma. Skal samt tekka hvort hún sé í dreifingu einhverstaðar.

[Gísli Torfi, 30.9.2008 kl. 06:45]

TNT .. ég hef séð þetta cover áður .. en man ekki fargans eitt lag með þeim.

Þetta er samt áhugavert stuff " allt sem er frá 1987 er áhugavert" 

[Gísli Torfi, 30.9.2008 kl. 06:48]

eitt enn með Coverið.. " öll cover voru svona á 80s tímabilinu "   MAGNAÐ