Plötudómur: Mötley Crue-Saints of Los Angeles

Vonandi eru allir í góðum gír eftir Led Zeppelin vs. Deep Purple pistilinn, þetta var að sjálfsögðu gert í góðu glensi enda er ég mikill LZ-maður. Gaman að fá þessi frábæru viðbrögð en bið alla þá sem sendu mér miltisbrands-bréfin að fyrirgefa mér ,,return to sender´´!

Þá er komið að plötudómi dagsins en það er nýjasta plata Mötley Crue-Saints of Los Angeles.

Það verður að segjast eins og er að ég var orðinn býsna spenntur þegar ég loksins hlammaði mér niður fyrir framan spilarann með nýjustu plötu Mötley Crue. Síðan platan „New Tattoo“ kom út árið 2000 hefur ekki heyrst mikið frá drengjunum í Krúinu en núna, loksins, er komin ný plata, Saints of Los Angeles! Krú-liðar eru auðvitað afbragð annara LA búa, fínar og flottar fyrirmyndir – allavega svona oftast...

Fyrir utan eitt og eitt lag sem gefið hefur verið út á safnplötum er SOLA fyrsta stóra platan þar sem Tommy, Nikki, Mick og Vince spila saman síðan Dr. Feelgood platan kom út árið 1989!!! Ótrúlegt en satt. Á snilldarplötunni „New Tattoo“ spilaði Randy Castillo (f.18.des.1950 d.26.mars 2002) en hann veiktist skömmu eftir útgáfu plötunnar og spilaði ekki nema nokkur gigg á túrnum. Samantha Maloney úr hljómsveitinni Hole spilaði í hans stað og stóð sig frábærlega eins og allir geta séð á „Lewd, Crued and Tattooed“ DVD disknum.

Hápunktar SOLA-plötunnar eru án efa „Face down in the dirt“, „Down at the whisky“, titillagið „Saints of Los Angeles“, „Motherfucker of the year“, „Chicks-Trouble“ og „This ain´t a love song“. Platan nær glæstum Metal-hæðum og kemur manni í rokna stuð. Sándið er frábært, óaðfinnanlegt. Vince hljómar meira að segja vel en hann er einn af þessum ekta rokk og ról fronturum sem fara nánast allt bara á kúli og attitjúti. Hann verður aldrei talinn góður söngvari en kemst upp með að syngja í Mötley Crue og það er bara fínt. (Á einhver hérna sólóplötuna hans)? Nikki er sem fyrr aðallagasmiðurinn og klikkar ekki frekar en fyrri daginn. Ég mæli einnig með plötunni hans, „Sixx A.M.“ sem gefinn var út um leið og bókin hans „The heroin diaries“ kom út (2007). Ég kem örugglega með aðra grein um þann pakka en hann er rosalegur! Mick, risinn upp frá dauðum, mylur yfir okkur sargandi og melódísk sukk sóló eins og honum einum er lagið og Tommy litli hefur líklegast sjaldan trommað betur. Húrra fyrir Crue!!!

Platan er í heildina séð ljómandi flottur og skemmtilegur rokkari og fær 7 ½  Metal-stjörnu!

Athugasemdir

[Kristján Kristjánsson, 21.7.2008 kl. 22:37]

Ég er alveg sammála þessum dómi Þráinn

[Kristján Kristjánsson, 21.7.2008 kl. 22:53]

Og nei ég á ekki sólóplötuna hans Vince Neil. Vissi ekki einu sinni að hann hefði gefið út plötu

[Ingvar Valgeirsson, 22.7.2008 kl. 12:24]

Vince Neil gaf út sólóplötu einhverntíma ca. 1993. Steve Stevens lék með honum þar. Þeir tóku t.d. gamalt lag sem heitir "Set me free". Koverið var flott, silfrað og glansandi og platan ekkert slæm ef ég man rétt. Átti eintak, en því var stolið af mér þegar einhver braust inn í æfingarhúsnæðið mitt og hirti næstum alla geisladiskana mína fyrir 13 vetrum síðan. Það var sárt.

Vince Neil band túraði við góðar undirtektir og hituðu upp fyrir Van Halen auk þess að heddlæna sjálfir á smærri stöðum (þessir smærri staðir eru samt stærri en flestir staðir sem ég hef spilað á). Gekk bara vel og var mikið stuð.

Á meðan söng einhver dvergur með Mötley Crüe og einhver vondikall braust inn í rútuna þeirra og stal öllum gíturunum frá Mick Mars. Ekki stuð.

[Þráinn Árni Baldvinsson, 22.7.2008 kl. 13:55]

Hver brýst inn í æfingahúsnæði og stelur sólódisknum hans Vince Neil?

...annars finn ég til með þér, hlýtur að vera ömurlegt að koma að æfingahúsnæðinu sínu í rúst!

[Fjarki , 23.7.2008 kl. 09:16]

Flott og áhugaverð grein hjá þér. Mig langar í plötuna!

Hef ekki hlustað á Mötley Crüe síðan Dr Feelgood!

[Þráinn Árni Baldvinsson, 23.7.2008 kl. 09:57]

Takk fyrir það Fjarki!

Ég mæli hiklaust með plötunni.

Tjékkaðu á Kidda Rokk í nýju Smekkleysubúðinni, hann er hugsanlega kominn með plötuna

[Aðalsteinn Jóhannes Halldórsson (IP-tala skráð) 23.7.2008 kl. 12:08]

Mér finnst nú alveg vanta minn þátt í þessari plötu inn í þennan dóm..........

[Þráinn Árni Baldvinsson, 23.7.2008 kl. 15:29]

hahaha...rétt, Alli, rétt!!!

Ég gekk fram hjá kvikindinu í HMV, var með plötuna í pre-order hjá Amazon, og fékk ákúrur og skammir frá Alla! Ekki skánaði það þegar Kiddi Rokk var búinn að kaupa helvítið!!!

Takk Alli minn fyrir stuðninginn  

[Karl Tómasson, 24.7.2008 kl. 00:06]

Mötlarana þekki ég ekki. Takk fyrir síðast kæri frændi.

Bestu kveðjur frá Kalla Tomm úr Mosó

[Bubbi J. (IP-tala skráð) 27.7.2008 kl. 10:24]

Vince Neil er búinn að gefa út tvær stúdíóplötur og eina live, Sú fyrsta kom ´93 og er alveg ágæt síðan kom plata sem var tilraunakennd og hálfgert krap. Live plötuna hef ég ekki heyrt. Hlakka til að kynna mér þessa nýju Crue.

[Kristín Einarsdóttir, 4.8.2008 kl. 16:56]

ertu ekki að fara að skrá þig???? ST